Қазақтың тұңғыш Олимпиада чемпионының образын орыс сомдады

Күні кеше Ресейде «Жоғарыға жылжу» («Движение вверх») атты жаңа кино туынды көрерменге жол тартты.

Фильм баскетболдан КСРО құрамасының 1972 жылы Мюнхенде өткен Олимпиада ойындарында АҚШ-қа қарсы матчтағы жеңісіне негізделген.

Сол тарихи ойында КСРО құрамасының сапында Олимпиада алтынын алған тұңғыш қазақ - Әлжан Жармұхамедов өнер көрсеткен. Оның образын ресейлік актер Александр Ряполов сомдады.

- Менің образымды сомдайтын актерді көрген сәл таңғалғаным бар. Сарылау келген, көзі көк, ірі жігіт. Кино түсіретін кезде ол салмақ тастап, бетіне грим жағады деп сендірді. Өз рөлін жақсы сомдады, - деп бөлісті әсерімен Әлжан Жармұхамедов «Караван» газетіне.