Байзақованың әрекеті масқара - Депутат
Белгілі депутат Геннадий Шиповских қоғамда қызу талқыға түскен Айжан Байзақованың қамалуына қатысты пікір білдірді.
Мәжілісменнің айтуынша, Байзақова заң алдында жауап беріп, тиісті жазасын алу керек.
«Байзақова ханымның әрекеті масқара дүние, ол қазақ қыздарын қандай жолға салып жатыр? Әр қазақ қызы – еліміздің болашақ анасы, біреуге әпке-қарындас, енді біреуге келін-жеңге. Сол қызға еліктеген қыздар қандай болмақ?» , - деді Шипоских.
Еске салайық, таяуда Алматыдағы клубтардың бірінде қыздар тыржалаңаш шешінген соң тхеквандодан қара белбеу иегері Айжан Байзақова үш күнге қамауға алынды.
