Семейлік балуандар облыстық турнирде жүлдегер атанды

Үржар ауданының Таскескен ауылында грек-рим күресінен 2002 - 2005 ж. т. жасөспірімдер арасында ҚР Тәуелсіздік күніне арналған және ҚР Еңбек сіңірген жаттықтырушысы Болат Тұрлыхановты еске алуға арналған ашық облыстық турнирі өтті.

Аталмыш жарыста ШҚО дене шынықтыру және спорт басқармасының «Семей қаласы бойынша № 1 Шығыс Қазақстан облыстық Олимпиадалық резерв мамандандырылған балалар - жасөспірімдер спорт мектебі» КММ спортшылары жүлделі_орындарды_иеленді.

Атап айтсақ, 36 келі салмақта боз кілемге шыққан Забит Абибов пен Қуат Армия – 3-ші орыннан табылды. 39 келі салмақ дәрежесінде Рауан Тұрысбек– жүлделі 2-ші орын, Ислам Қалибанов – 3-ші орынға қол жеткізді. Жәнібек Джаухаев (46 кг), Айдын Серікқазиев (50 кг), Нұрдәулет Талғатов та (54 кг) – облыстық турнирде 3-ші орынға иелік етті. 58 келі салмақ дәрежесінде Ұлан Тұрысбек – топ жарса, Әмір Темірғали мен Аңсар Қуандықов – 3-ші орынға табан тіреді. Сондай-ақ, (+69 кг) салмақтағы Ануар Макремов– 2-ші орын иеленді.

ШҚО Дене шынықтыру және спорт

басқармасының баспасөз қызметі