Александр Бородюк қызметінен кетеді
Ресейлік «Чемпионат» сайтының таратқан мәліметіне қарағанда Қазақстан құрамасының бас бапкері Александр Бородюк жуық арада қызметінен кетеді.
55-жастағы ресейлік маман футболдан Қазақстан құрамасының тізгінін осы жылдың 27 ақпан айынан бері ұстап келеді. Бородюктың қол астында Қазақстан құрамасы жеті ойын өткізген. Оның алтауында жеңіліс тапса, біреуінде тең түскен.
Ал жылдың қорытындысы бойынша ФИФА рейтингінде біздің құрама 137-ші орынға бір-ақ сырғыды.
