«Астана» Твумаси үшін кем дегенде 2 млн еуро сұрап отыр

Елордалық «Астана» шабуылшысы Патрик Твумаси мәскеулік «Спартакқа» ауысуы мүмкін.

Елордалық клуб ганалық футболшы үшін кем дегенде 2 миллион еуро сұрап отыр. Бұл туралы ресейлік «Советский спорт» сайты мәлімдеді.

Егер қыста «Спартактың» голландиялық шабуылшысы Квинси Промес еуропалық белді ұжымдардың біріне ауысса, ганалық футболшы оның орнын баспақ. Патрик Твумасиге мәскеулік «Спартактан» бөлек «Гамбург» пен «Бурсаспор» қызығушылық танытып отыр.