«Суонси Сити» командасы бас бапкерсіз қалды

Англиялық «Суонси Сити» командасының бас бапкері Пол Клемент қызметтен босатылды. Бұған команданың көш соңында қалып қоюы себеп болып отыр.

Карло Анчелоттидің бұрынғы көмекшісі Клемент «Суонсидің» тізгінін осы жылдың қаңтар айында ұстаған болатын. Былтыр команданы Англия премьер лигасында сәтті алып қалғанымен, биыл жақсы жұмыс жасай алмауда. 18 турдан кейінгі көрсеткен нәтижесі 3 жеңіс, 3 тең ойын және 12 жеңіліс.