Арман Оспанов: Соңғы жекпе-жекте үлкен қателік жасадым
Қазақстанның және әлемнің спорт жаңалықтарына жазылыңызЕліміздің бетке ұстар файтері Арман Оспанов 23 желтоқан күні Мәскеуде АСВ77 турнирі аясында ресейлік Алексей Полпудниковпен жекпе-жекке шығады. Кездесу алдында Арман өз ойымен бөлісті.
«Алдағы айқасқа АҚШ-тың Нью-Мехико штатында орналасқан «JacksonWink ММАacademy» залында дайындық өткіздім.Спарринг серіктестерім Карлос Кондит, Каб Свонсон сынды UFC-дің белді файтерлері болды. Өзімнің америкалық диетологоммен жұмыс жасадым. Жалпы алғанда лагерь жақсы өтті. Жарақаттан аманмын. Өкінішке қарай, соңғы жекпе-жекте үлкен қателік жасадым. Енді соның артын жабу, қайта биік тұғырға көтерілу және болашақта үлкен жетісітіктерге жету мақсатында өзімді қайрап, алдағы кездесуге ерекше жігерлене келдім», - деді «Сұңқар».
