Мазақ болған әнұран. Видео

Қазақстандық спортшы Есет Қуановты самбодан Сочи қаласында өткен әлем чемпионатында алтын медальмен марапаттау кезінде ұйымдастырушылар ескі әнұранды қосты.

Ескі әнұран ойналғанда, Қуанов басын шайқап, қателік кеткенін білдіруге барынша тырысты. Сол кезде трибунада отырған отандастарымыз орындарынан тұрып, әнұранды жанды дауыста барынша айқайлап орындап берді.

Комментатор мен көрермендер қазақстандықтарға разы болып, диктор жіберілген ағаттық үшін кешірім сұрады.