Кертис Стивенс: «Головкинның тас талқанын шығарам»
2 қарашада Геннадий Головкинмен жекпе-жекке шығатын американдық боксшы Кертис Стивенс белдесу алдында қарсыласына бірталай жаман сөздер айтты.
«Головкиннен кім қорқады? Ешкім де қорықпайды. Жекпе-жекке оны шақырған мен. Шаршы алаңда кездессек оңдырмаймын. Головкин барлық кездесулерінде өзінен әлсіз боксшылармен шыққан. Алайда белдесулерді жаман өткізген емес, талайын құлатты. Бұған дейін ол мендей мықты боксшыға кезіккен емес. Ендігі басты сұрақ, менің жойқын соққыларымды төтеп бере алады ма екен?»