ФИФА «Тараздан» 6 ұпай алып тастады
«Тараз» футбол клубы ел чемпионаты аяқталар тұста алты ұпайынан айырылып қалды.
Мұндай шешімді ФИФА-ның Тәртіптік комитеті қабылдады. Тараздық клуб Обиора Одитаға жалақысын толық төлемегені үшін алты ұпайынан айырылды.
Осылайша, «Таразда» қазір 26 ұпай бар. Команда 11-ші сатыға түсіп қалды.
Айта кетейік, маусымның басында «Атырау» да қарыздары үшін тоғыз ұпайдан айырылған болатын. Бірақ кейін бұл шешім өзгеріп, үш ұпай ғана алынатын болды.
