Неймар «Барселона» клубын Чемпиондар лигасынан алып тастауды сұрады
«Пари Сен-Жермен» клубының ойыншысы Неймар «Барселона» клубын Чемпиондар лигасынан алып тастауды сұрады, деп хабарлайды AS.
Дереккөздің айтуынша, бразилиялық 2016 жылы каталондық клубтың оған 26 миллион еуро сыйақыны төлеп бермегенін алға салып, осындай мәлімдеме жасауда. Ол қорғаушыларының кеңесі бойынша УЕФА ұйымына «Барслонаны» Чемпиондар лигасы жарысынан алып тастау жайлы арыз жіберген. Алайда еуропалық ассоциация оның өтінішін қанағаттандырмай, «Пари Сен-Жерменге» қарсы фэйр-плейдің қаржылық ережесін бұзды деп іс қоғады.
Айта кетейк, БАҚ өкілдерінің мәліметінше, ПСЖ клубындағы Неймардың жалақысы айына 3 миллион еуроны құрайды.
