Эстонияда ерекше гол соғылды. Видео

Футболдан Эстония кубогының 1/16 финалында «Левадия» мен «Пайде» командалары кездесіп, ойын өте қызық басталды.

Матчтың бар болғаны 14-секундында «Левадия» ойыншыларының аяғы допқа әлі тимей жатып-ақ, доп қарсылас команданың қақпасына кіріп кетті.

Себебі ойынды бастаған «Пайде» футболшылары бір-біріне пас беріп жүріп, қорғаушылардың бірі допты қақпашыға қалдырған. Голкипер өз қақпасынан сәл шығып кеткендіктен, допқа үлгере алмай қалды.

Нәтижесінде 3:1 есебінен жеңген «Левадия» келесі айналымға өтті.