Қанаттың қарсыласы жейделер сатып, ақылы жаттығуларын өтемек
Қазақстанның және әлемнің спорт жаңалықтарына жазылыңызКанадалық боксшы Бэндон Кук 9-шы қыркүйекте Астанада Қанат Исламмен болатын жекпе-жек қарсаңында футболка сатып, ақылы жаттығуларын төлемек. Бұл жайлы боксшының өзі твиттер парақшасында жариялады.
«Менің 9 қыркүйектегі жекпе-жегіме төрт түрлі футболка тігіледі. Оны сатыудан түскен пайданы жекпе-жек алдындағы дайындық ақысын өтеуге жұмсаймын. Қолдауларыңыз үшін рахмет. Ерлер футболкасының құны 25 АҚШ доллар, ал әйелдердікі 20 доллар болады», - дейді Кук.
Айта кетейік, бұған дейін Кук бокспен айналысу үшін он жыл бойы есік пен терезе орнатып келгенін айтқан.
Еске салайық, Қанат Ислам және Брэндон Кук арасындағы жекпе-жек 9 қыркүйекте Астанада өтеді.