Instat. Аничич – «Спартак» - «Астана» кездесуінің үздік ойыншысы
Қазақстанның және әлемнің спорт жаңалықтарына жазылыңыз«Астана» футбол клубының баспасөз қызметі қалыптасқан дәстүрге орай, ойыншылардың барлық көрсеткіштерін есептейтін Instat нәтижелерінің қорытындысын жариялайды.
Чемпиондар Лигасы екінші Іріктеу кезеңі аясында өткен «Спартак» (Латвия) – «Астана» арасындағы алғашқы ойын 1:0 есебімен аяқталған еді. Ойында соғылған жалғыз голдың авторы Патрик Твумаси.
Ал Instat Index көрсеткіші бойынша елордалық команданың орталық қорғаушысы Марин Аничич (274) үздік атанды. Босниялық ойыншы жекелей тартыста 83% нәтиже көрсетіп, 85% дәл пас берген.
Екінші орында Патрик Твумаси. Ганалық шабуылшы ойындағы қарсылас команда қақпасына тура соққы бағыттау көрсеткіші бойынша үздік шықты. Оның еншісінде 5 соққы.
Үздік үштікті Юрий Логвиненко қорытындылады. Елордалық команданың негізгі орталық қорғаушысы аталмыш кездесуде де өзінің «әуедегі доптың королі» екендігін тағы бір мәрте дәлелдеді.
Instat Index көрсеткіші бойынша үздік бестік төмендегідей:
1.Марин Аничич 274
2. Патрик Твумаси 261
3. Юрий Логвиненко 251
4. Дмитрий Шомко 245
5. Ласло Кляйнхайслер 233
