Жанкүйерлер қазақ баласы Роналдуды алмастыра алатынына сенімді

Соңғы кездері «Реал» шабуылшысы Роналду мадридтік командадан кетеді деген әңгіме жиіліп кетті.

Шетелдік БАҚ Роналдуды «Реалда» алмастыра алатын бірнеше ойыншының есімін атады.

Еуроспорт сайты да Роналдудың орнын кім баса алады деп сауалнама жүргізіп жатыр.

Ең қызығы сауалнамада қазіргі сәтте қазақ баласы, алматылық «Қайрат» шабуылшысы Бауыржан Тұрысбек бірінші орында келе жатыр. Ал екінші орында «Челси» ойыншысы Эден Азар келе жатса, үздік үштікті «Монако» ойыншысы Килиан Мбаппе түйіндеп тұр.

Сауалнамаға қатысып жатқан ойыншылар қатарында Гарет Бэйл, Пауло Дибала, Пьер-Эмерик Обамеянг, Федор Смолов, Роберт Левандовский, Алексис Санчес, Антуан Гризманн, Лионель Месси, Златан Ибрагимович және Диего Коста сынды футбол жұлдыздары бар.