Ковалев: Мэйвезер - Макгрегор кездесуі қалай аяқталатынын бәрі біледі

Ресейлік кәсіпқой боксшы Сергей Ковалев америкалық Флойд Мэйвезер мен UFC жұлдызы ирландиялық Конор Макгрегор арасындағы жекпе-жек туралы айтып берді.

- Бұл кездесудің өтетініне сенімдімін. Себебі екі спортшы да бұл жекпе-жектен сұмдық табыс табады. Бұл айқас – халықты алдау. Жекпе-жектің қалай аяқталатынын бәрі біледі. Бокс ережесі бойынша Макгрегор Мэйвезерге ештеңе істей алмайды. Керісінше, екеуі октагонда кездессе қызық болар еді, - деді Ковалев championat.com сайтына.

Естеріңізге сала кетсек, кеше Мэйвезер – Макгрегор жекпе-жегі ресми түрде жарияланды.