Мейвезер Головкиннің жеңісіне сенбейді

Бес салмақ дәрежесіндегі экс-әлем чемпионы, америкалық кіші Флойд Мейвезер мексикалықтың жеңіске жететініне сенімді.

«Мен «Канелоның» жеңіске жететінін болжап отырмын. Оның Чавеспен өткізген кездесуін тоқтату керек еді. Чавес сол кеште бокс грушасына айналды», - деп Мейвезердің сөзін BoxingScene.com жеткізді.

Естеріңізге сала кетейін, осыған дейін Флойд Мейвезер мен Сауль Альварес жекпе-жек өткізген болатын. Сол кездесуде мексикалық кәсіпқой рингтегі алғашқы жеңілісіне ұшыраған.

Осыған дейін Оскар Де Ла Хойя кіші Мейвезерге Головкин – Альварес кездесуінің жеңімпазымен кездесу үшін мансабын қайта бастауды ұсынған еді.