РЕСМИ: FIBA баскетболшыларға хиджабпен ойнауға рұқсат берді

Халықаралық баскетбол федерациясы (FIBA) баскетболшыларға алаңда хиджаб және басқа бас киімдерімен ойнауға ресми түрде рұқсат берді.

Жаңа ереже 1-ші қазаннан бастап заңды күшіне енеді. Ереженің шарты бойынша, хиджабтың түсі ақ-қара немесе команда жейдесінің түсіне сәйкес келуі тиіс.

2012 жылдан бері киім мәселесі воллейбол, футбол спорттарында жиі талқыға түсуде. Мәселен, 2014 жылы баскетболдан Катардың әйелдер құрамасы Азия чемпионатында хиджаб мәселесіне байланысты түрнирден шеттетілген еді.

Естеріңізге салайық, бұған дейін ФИФА ұйымы әйелдерге ойын кезінде хиджаб киіуге рұқсатын берген.