Хоккейші қыздарымыз қола медальға қол жеткізді

Хоккейден Қазақстан әйелдер құрамасы қысқы Азиададағы соңғы матчын өткізді.

Отандастарымызға Таиланд хоккейшілері қарсы тұрған. Бірінші кезеңде қазақстандықтар бес шайба соқты, үзілістен кейін тағы екі және үшінші кезеңде бір гол салды. Қорытынды есеп – 8:0.

Осылайша, Қазақстан әйелдер құрамасы тоғыз ұпай жинап, қола медальға қол жеткізді. Төртінші орында тұрған Оңтүстік Корея құрамасы Ганконгті жеңгенімен, 8 ұпай ғана жинайды. Ал алтын медальға жапон мен қытай қыздары таласады.