"Астананың" алдағы маусымда басты мақсаты қандай?

"Астананың" бас бапкері Станимир Стойлов өз командасының еурокубоктағы ойыны мен алдағы маусым жайлы айтып берді.

- Соңғы жылда Қазақстанда үлкен жұмыс атқардық. Чемпионатта, Кубокта және Еуропа лигасында жақсы нәтижелерге қол жеткіздік. Алдамай-ақ қояйын: былтырғы маусымнан кейін осындай нәтижені күткен де едім. Иә, чемпионатта тағы да жеңіске жеткеніміз тамаша, бірақ мен еурокубоктарға оптимистік көзқараспен қарадым. Топта тағы бір матч қалды, кейін жаңа маусымға дайындаламыз. Жаңа маусымның ең басты мақсаты - Чемпиондар лигасына оралу, - деді Станимир Стойлов.