Төрткүл дүниедегі басты спорттық бәсекеде биыл қазақтың туын алып шығатын тхэквондошы Руслан Жапаров Бразилияға кетерде Prosportkz.kz тілшісіне сұхбат берді.
- Руслан, сен қазақтың көк туына жауаптысың, мойыныңа ауыр жүк түсті. Дегенмен, бойыңнан қобалжу байқалмайды.
- Көңіл күйім жақсы, жарысқа толықтай дайынмын. Елімнің және елбасымның үмітін ақтауға тырысамын. Спортшыларға қолдау көрсету маңызды, бізге жанкүйер болыңыздар!
- Рио-де-Жанейрода алып шығатын байрақ өзіңмен бірге ме, ұйымдастырушылар сол жерде ұсына ма?- Ту мен киім Бразилияда. Олимпиаданың ашылу салтанаты алдында ұлттық киімді киіп байрақты көтеремін. Киімнің дизайны керемет екен, көңілден шықты.
- Жарыс жөнінде... Басты қарсыласың кім болады деп ойлайсың?
- Алдын ала дөп басып айту қиын. Менің сеткамда әзірбайжандық спортшы, белорус, кәріс, ұлыбританиялық және Габон елінің өкілі бар. Әзірбайжандық тхэквандошымен бірінші кездесуді өткіземін.
- Cоңғы кезде допинг дауы деген басымызға "бәле" болды. Ол жөнінде уайымдамайсың ба?
Комментарии