«Қайраттың» словакиялық қорғаушысы Лукаш Тесак Prosportkz.kz тілшісіне «Атыраумен» өткен кездесу жайлы және Словакия құрамасының қорытынды тізіміне неліктен іліне алмағанын айтып берді. 

- «Атыраумен» өткен ойын жайлы пікіріңіз қандай?

- Ең бастысы, жеңіске жеттік. Бірақ басында біраз қобалжып, болмайтын гол жіберіп қалдық. Қуаншымызға орай, бірден тарасы базын теңестірдік. Артынша, өз ойынымызды тауып, қарсылас команданың қақпасына бірнеше гол соқтық.  

 - Сіз Словакия құрамасының кеңейтілген тізімінде болдыңыз. Бірақ ЕУРО-ға аттанатын ойыншылар тізіміне іліне алмадыңыз... 

- Еш ренішім жоқ. Бұл футбол өмірі. Бас бапкердің шешімін құрметтеймін. Нәтижеге жауап беретін бас жаттықтырушы. Кім мықты, соны таңдады. Словакия құрамасында бәсекелестік жоғары. Енді өз отандастарыма ЕУРО-да жанкүйер боламын. Бірден Алматыға келіп, «Қайраттың» кездесуіне қатысқаныма қуаныштымын. Енді бар ойым қазір «Қайратта».  

 - Словакия құрамасының қорытынды тізімін жариялаған сәтте сізге не деп айтты?

- Менің ЕУРО-ға бармайтынымды айтты. Бас бапкер басқа ойыншыларға үміт артады деді. Әрине, кішкене реніш болды. Бірақ біреуге ренжитіндей жасым 20-да емес. Ұлттық құрамаға іліну үшін көп еңбек ету керек екенін түсіндім.  

- Словакияның Еуропа чемпионатындағы мүмкіндіктерін қалай бағалайсыз? 

- Менің ойымша, бұл Еуропа чемпионаты өте қызық болмақ. Себебі, қазір ЕУРО-да барлық командалардың деңгейі бірдей. Тіпті турнир алдында аутсайдер саналатын команда фаворитті ұтуы мүмкін. Мәселен, жолдастық кездесуде біз Германияны 3:1 есебімен жеңген болатынбыз. Әр ұлттық құрама үшін Францияда ойнау ауыр болады.   

 - Еуропа чемпионатының фавориті кім деп ойлайсыз?

- Испания, Франция, Германия мен Бельгия. Нақты қай команда фаворит екенін айту қиын. 2004-ші жылы Грекия немесе 1992-ші жылы Дания сияқты әр команда Францияда таң қалдыруы мүмкін.