«Барселона» жартылай қорғаушысы Илкай Гюндоган карьерасын Қатарда жалғастыруы мүмкін, деп хабарлайды Prosports.kz тілшісі DeadlineDayLive твиттер-парақшасына сілтеме жасап.

Неміс жартылай қорғаушысына «Әл-Садд» қызығушылық танытып отыр, бірақ трансфер бойынша ресми ұсыныс әлі жасаған жоқ.

Гюндоганның «Барселонамен» қазіргі келісімшарты 2025 жылдың жазына дейін (бір маусымға ұзарту мүмкіндігімен) есептелген.

2023/24 маусымында Гюндоган «Барселона» сапында барлық турнирде 51 матчқа қатысып, 5 гол соғып, 14 нәтижелі пас берді.