«Реал Мадридтің» жаңа шабуылшысы Килиан Мбаппе АҚШ-тағы жазғы турне кезінде каталониялық «Барселонаға» қарсы ойнамайды, деп хабарлайды Prosports.kz тілшісі «Екінші Тайм» сайтына сілтеме жасап.

Инсайдер Адриан Санчестің ақпараты бойынша, оған екі себеп бар. Біріншіден, ойыншы Еуропа чемпионаты кезінде алған мұрын жарақатын емдеуі керек. Екіншіден, клуб Еуро мен Америка кубогының жартылай финалына шыққан ойыншыларға қосымша демалыс берген.

Осылайша, Мбаппеден бөлек «Барселонаға» қарсы Эдуардо Камавинга, Джуд Беллингем, Федерико Вальверде мен Орельен Тчуамени ойнамайды.