Қазақстан ұлттық құрамасының және «Ақтөбенің» жартылай қорғаушысы Рамазан Оразовқа қатысты тыйым 2024 жылдың сәуір айының ортасында енгізілген, деп хабарлайды Prosports.kz.
Қазақстан футбол федерациясына Қазақстан кубогының 1/8 финалындағы ақтөбелік команданың «Жетісумен» (1:0) ойыны алдында УЕФА құжаттары келіп түскені хабарланды. Алайда ҚФФ бұл хабарламаны клубқа тез арада жібере алмады. Енді дисквалификацияны бұзғаны үшін Ақтөбе мен Оразовтың өзіне қосымша санкциялар қолданылатыны белгілі болды.
Естеріңізге сала кетейік, «Ақтөбе» мен «Жетісу» арасындағы кездесу 14 сәуірде өтіп, «ақ-қызылдардың» минималды жеңісімен аяқталған болатын. Ол ойында Рамазан негізгі құрамда болып, алаңда 85 минут ойнады.
Оразовтың жарыстан шеттетілуіне Қайраттың УЕФА-ға футболшының оқуы үшін өтемақы төлемегені туралы шағымы себеп болды. «Қайрат» 20 мың доллар төлеуді талап етіп отыр. Тыйым алты айға дейін созылуы мүмкін.
Комментарии