Қазақстандық теннисші Елена Рыбакина Штутгартта (Германия) Porsche Tennis Grand Prix турниріндегі жолы белгілі болды, деп хабарлайды Prosports.kz.

Рыбакина бірінші айналымға қатыспай, бірден 1/8 финалдан бастайды. Ол жақта не Вероника Кудерметова, не Барбора Крейчиковамен кездеседі.

Ширек финалда қарсыласы Онс Жабер болуы ықтимал. Ал жартылай финалға шығып жатса, әлемнің бірінші ракеткасы Ига Швентек қарсылас болуы мүмкін.

Ал финалда Арина Соболенко немесе Кори Гауффпен ойнауы ықтимал.