Ultimate Fighting Championship (UFC) барлық салмақ дәрежесіндегі рейтингтің жаңартылған нұсқасын жариялады, деп хабарлайды Prosports.kz.

Жеңіліп көрмеген қазақстандық файтер Шавкат Рахмонов (8-0) өз орнын сақтап қалды. «Номад» жартылай орта салмақтағы рейтингте әлі де үшінші орында.

Көш басында нигериялық Камару Усман, ал екінші орында америкалық файтер Белал Мухаммад.

Бұл дивизионның чемпионы - Леон Эдвардс (Англия).

Еске салайық, былтыр 16 желтоқсанда Рахмонов америкалық файтер Стивен Томпсонмен жекпе-жек өткізген болатын. Жекпе-жек екінші раундта қазақстандықтың жеңісімен аяқталды.