UFC промоушенінің баспасөз қызметі Әбу-Дабиде (Біріккен Араб Әмірліктері) жазғы турнир өтетінін жариялады, деп хабарлайды Prosports.kz тілшісі Чемпионатқа сілтеме жасап.

«3 тамызда Әбу-Дабиге ораламыз! Кештің басты жекпе-жегінде кім өнер көрсетеді деп ойлайсыздар?» - делінген UFC мәлімдемесінде.

Бұған дейін Әбу-Даби турнирі былтыр қазанда өткен болатын (UFC 294). Кештің басты жекпе-жегінде ресейлік Ислам Махачев пен аустралиялық Александр Волкановски кездесті. Бұл олардың реваншы болды. Сол кезде Ислам бірінші раундта жеңіске жеткен болатын.