22 қаңтарда ҚХЛ тұрақты чемпионаты аясында «Барыс» «Автомобилистпен» кездеседі, деп хабарлайды Prosports.kz.
«Барыс» кейінгі алты кездесуде «Салават Юлаевты» (3:2) ғана жеңе алды. Шығыс конференциясының турнирлік кестесінде қазақстандық команда топ-8 қатарынан тоғыз ұпайға қалып, 11-орында тұр.
Ал «қызыл-қаралар» Шығыс конференциясының турнирлік кестесінде төртінші орында келеді.
Айта кетейік, командалар өзара 10 кездесу өткізіп, әрқайсысы бес реттен жеңіске жеткен.
«Барыс» - «Автомобилист» матчының тікелей трансляциясы Астана уақытымен сағат 19:30-да басталады. Матчты мына сілтеме арқылы көруге болады. Сондай-ақ ойынды Qazsport телеарнасынан да көруге болады.
Комментарии