Қазақстандық, әлемнің 458-ракеткасы Дмитрий Попко Анталия (Түркия) ITF турнирінің финалына өтті, деп хабарлайды Kazinform.

Жарыстың 1-ракеткасы болып тіркелген қазақстандық теннисші жартылай финалда дүниежүзілік рейтингіде 783-орында тұрған ресейлік Евгений Тюрневпен бетпе-бет келді.

Бәсеке өте тартысты өтіп, бірінші партияда тай-брейкте Д.Попко үстемдік танытты – 7:6 (7:2).

Есесіне екінші сетте ресейлік спортшы қарымта қайырды – 6:3.

Дегенмен, шешуші – үшінші партияда Д.Попко таразы басын өзіне аудара алды – 6:4.

Дмитрий Попко финалда рейтингіде 743-сатыдағы испаниялық Макс Алкала Гурримен бас жүлдені сарапқа салады. Ол жартылай финалда италиялық Самуэле Пьериді тізе бүктірді – 6:7 (4:7), 6:4, 6:3.