Еуразиялық аралас жекпе-жек лигасының OCTAGON 53 қорытынды турнирі аясында бастапқы кардтың бірінші жекпе-жегі аяқталды, деп жазады Prosports.kz
Аса жеңіл салмақта тәжікстандық Рустам Самиев (3-1) қазақстандық Бақдәулет Қорғанбаймен (1-0) кездесті.
Бірінші раунд тең өтіп, екінші және үшінші раундта Қорғанбай басым болды. Нәтижесінде Бақдәулет төрешілердің бірауыздан қабылдаған шешімімен жеңіске жетті.
Турнирдің басты жекпе-жегінде қазақстандық проспект Сүндет Айтқұл (6-1) өнер көрсетеді, ол қатарынан алты рет жеңіп келе жатыр. Ол OCTAGON 50 турнирінде өзін мықты қырынан көрсеткен Клаудеси Бритомен (9-2) күш сынасады.
Тағы бір басты жекпе-жекте жеңіл салмақта жеңіліссіз келе жатқан екі файтер өзара кім мықтыны анықтайды, онда әзербайжандық Роял Лейлизаде (6-0) мен өзбекстандық Анвар Абдуллаев (7-0) чемпион атану құқығына таласады.
Комментарии