«Амбиция – чемпион болу, ал басты мақсат – UFC». Қазақстандық нокаутшы «Рыцарьдің» белбеуін сарапқа салып, өзбек чемпионымен кездесуге дайын
18 қарашада Еуразиялық жекпе-жек лигасының OCTAGON 52 ивенті аясында жеңіліп көрмеген қазақстандық файтер Самат Мамедов (9-0) ұзақ уақыт үзілістен кейін торға оралады.
Кәсіпқой деңгейдегі 9 жекпе-жегінің 8-ін мерзімінен бұрын аяқтаған файтер Prosports.kz тілшісіне сұхбат берді.
– Самат, жақын арада торға ораласыз. Бір жылдан астам уақыт жекпе-жек өткізбей жүру сізге қалай болды?
- Бәріне сәлем! Иә, жақын арада сегізбұрышқа ораламын. Денсаулығыма байланысты бір жыл өнер көрсетпедім.
– Үзіліс файтерлерге кері әсер етеді деген пікір бар. Бұл сіздің жағдайыңызға қалай әсер етеді?
- Мен олай ойламаймын. Мұның бәрі әуесқой тәжірибе мен дайындыққа байланысты. Дайындық жақсы болды, әуесқой деңгейде тәжірибем жеткілікті, сондықтан үзіліс маған кері әсер етті деп ойламаймын. Шығып өз жұмысымды істеймін.
– Беделді Tapology статистикалық сайтында осы жылдың басында сіздің рекордыңыз 5-0 болғанымен, 9-0 деп көрсетілген. Айтыңызшы, бұл қалай болды?
– Мен OCTAGON-ға дейін жекпе-жектер өткіздім, бірақ олар статистикаға кірмеген еді. Қазір барлық жекпе-жек есептелді, менің рекордым 9-0 болды.
– Жеңіл салмақтан жартылай орта салмаққа ауыстыңыз. Бұл шешімге не себеп болды?
– Біріншіден, шешім денсаулық жағдайына байланысты қабылданды. Жиі өнер көрсетіп, мақсатыма тезірек жету үшін маған 77 келіні қуу оңай болады. Әрі қарай үлкен әлемдік лигада жеңіл салмақта өнер көрсететін шығармын.
– Осы жылы наурыз айында жеңіл салмақтағы «уақытша» чемпион атағы үшін өзбекстандық файтер Достон Бозоровпен кездесуіңіз керек еді...
– Иә, мен белбеу үшін күресуім керек еді, бірақ жарақат алдым, сондықтан жекпе-жектен бас тартуға тура келді. Лига және жанкүйерлер үшін бұл жекпе-жек қызық болар еді, бірақ онымен торда кездесе аламыз ба, жоқ па білмеймін. Оны уақыт көрсетеді. 70 келідегі белбеу дәл қазір маған қызық емес, бірақ аралық салмақта жекпе-жек өткізу мүмкіндігі болса немесе жартылай орта салмақта Дастонмен тек спорттық қызығушылықпен келісе алатын болсақ, онда бәрі мүмкін.
– Жақында жартылай орта салмақта жаңа чемпион анықталды, ол тәжірибелі ардагер Георгий Кичигин. Жаңа салмақ санатындағы амбицияларыңыз қандай?
– Менің амбициям чемпион болу және жақын арада жартылай орта салмақтағы титулдық жарысқа түсемін.
– Титулдық жекпе-жекке қашан дайын боласыз?
– Келесі жылдың басына дейін чемпиондық жекпе-жекке дайын боламын. 18 қарашаға мақсат қойдым – октагонға шығып, қандай жағдай болмасын, жеңіске жету. Жеңу үшін барымды саламын. Одан кейінгі жекпе-жектерде мен үшін бұл тұрғыда ештеңе өзгермейді, себебі біздің мақсатымыз – UFC.
– Сіз көптен бері сегізбұрышта бір раундтан артық өткізген жоқсыз. Үш раундта өзіңізді сынағыңыз келе ме?
– Мен бірінші раундта жекпе-жекті аяқтаймын деген ниетпен шықпаймын, жекпе-жекте солай болады. Әрине, болашақта жекпе-жекті толық өткізгім келеді.
Фото: OCTAGON
Алматыдағы OCTAGON 52 турнирінің басты жекпе-жегінде әйелдер арасындағы минималды салмақ дәрежесінде ұйым чемпионы анықталады, онда Қазақстанның ММА жұлдызы, жеңіліп көрмеген файтер Аян Тұрсын (4-0) мен ресейлік Марина Шутовамен (5-2-1) кездеседі.
Жекпе-жек кеші аясында Бекзат Алмахан, Дамир Төленов, Самат Мамедов, Мұртазали Магомедов, Хамзат Чапанов, Одилхон Камолов, Нұржан Ақышев, Әлішер Ғабдуллин сынды танымал файтерлер өнер көрсетеді.
OCTAGON 52 ивентіне билеттерді zakazbiletov.kz сайтынан сатып алуға болады
Турнирдің бас серіктесі - UNDERDOG спорт агенттігі
Комментарии