Қазақстандық дзюдошы Кәмила Берліқаш Әбу-Дабиде (БАӘ) өтіп жатқан Grand Slam турнирінің финалына шықты, деп хабарлайды Kazinform.

Қазақстан дзюдо федерациясының баспасөз қызметінен мәлім еткеніндей, Кәмила Берліқаш 78 келіден астам салмақта жартылай финалда италиялық Эрика Симонеттимен татамиге шықты.

Италиялық дзюдошы үш ескерту алғандықтан, жеңіс қазақстандық спортшыға берілді.

К.Берліқаш алтын жүлде үшін португалиялық Нунес Рочелемен таласады.

Финалдық бәсекелер Астана уақытымен сағат 19.00-де басталады.