Бүгін, 10 қыркүйекте Қазақстан құрамасы футболдан 2024 жылғы Еуропа чемпионатына іріктеу матчында Солтүстік Ирландия құрамасымен ойнайды, деп хабарлайды Prosports.kz.

Матч Астана уақытымен 19:00-де басталады. Ойын Qazsport телеарнасында тікелей эфирде көрсетіледі.

Естеріңізге сала кетейік, Қазақстан құрамасы Астанада өткен соңғы кездесуінде Финляндия құрамасынан 0:1 есебімен жеңілсе, Солтүстік Ирландия құрамасы сырт алаңда Словения құрамасынан (2:4) ұтылды.