«Тараз» ФК сапына оралған жартылай қорғаушы Жақып Қожамберді бірден «Түркістан» қақпасына жеңіс голын соқты, деп хабарлайды Prosports.kz.

«Алдымен, туған командама қосылып, алаңға оралғаныма қуаныштымын. Жанкүйерлерге көрсеткен қолдаулары үшін алғыс айтамын!

Ойынға келер болсақ, әрине, қиын болды. Ойын тәжірибемнің жоқтығы білінеді ма деп қауіптеніп едім. Ойынға кіре алдым деп ойлаймын. Бастысы, гол соғып, үш ұпай еншілегенімізге қуаныштымын. Жанкүйерлердің қолдауы осылай жалғаса берсе, алар асуымыз көп болатынына сенімдімін!», - деді футболшы клуб баспасөз қызметіне берген сұхбатында.