Әлемнің 7-ракеткасы Елена Рыбакина Билли Джин Кинг кубогы бірінші іріктеу кезеңі аясындағы Польшаға қарсы матчқа қатысу үшін Астанаға келді, деп хабарлайды Prosports.kz.

Бұл туралы спортшы Instagram парақшасында хабарлады. Елена Қазақстан астанасынан сурет жариялады.

Айта кетейік, Қазақстан – Польша кездесуі Астанада 14 және 15 сәуірде өтеді. Рыбакинадан бөлек Қазақстан құрамасы сапында Юлия Путинцева, Анна Данилина, Гозаль Айнитдинова, Жанель Рустемова және Аружан Сағандықова өнер көрсетеді.