Кәсіпқой теннисшілер қауымдастығы (ATP) ресми сайтында 2024 жылға арналған турнирлер күнтізбесін ұсынды, деп хабарлайды Prosports.kz.

29 елде жоспарланған 63 турнир, соның ішінде Индиан-Уэллс, Майами, Мадрид, Рим және Шанхай қалаларында өтетін додалар да бар.

Мексиканың Лос-Кабос қаласында өтетін турнир шілдеден ақпанға ауыстырылды.

Жастар арасындағы финалдық турнирдің өтетін орны мен күні әлі нақтыланған жоқ.

«Негізгі» финалдық турнир Туринде өтеді.

Күнтізбеде 14 қазанда басталуы тиіс Астанадағы турнир де бар.