Қостанайдың «Тобылы» өз алаңында алматылық «Қайратты» қабылдап, 3:1 есебімен жеңіліп қалды, деп хабарлайды «PROСПОРТ».
 
 
Бүгінгі кездесу Сергей Масленов шәкірттері үшін маңызды болды, өйткені алғашқы алтылыққа ену тағдыры шешілді. Ал Владимир Вайсс болса Еурокубокқа дайындық ретінде, бүгінгі матчқа қосалқы құрамдағы ойыншыларды шығарды. Дегенмен есепті алматылық ұжым ашты. 20-шы минутта командаға жаңадан қосылған Джордже Деспотович айып добынан гол соқты. Екінші тайм бастала салысымен, Деспотович «Тобыл» қақпашысы Петуховпен жеке дара кездесіп, айласын асырып кетті. Он минуттан кейін Аслан Дарабаев айып алаңына еніп барып, қақпаның жақын бұрышын дәл көздеді. Нұрбол Жұмасқалиев 73-ші минутта айып добын керемет орындап, есепті қысқартты. Дегенмен де, бұдан артыққа күштері жетпеді алаң иелерінің. 
 
 
Қазақстан чемпионаты, 22-ші тур
«Тобыл» - «Қайрат» 1:3 (0:1)
Голдар: Деспотович 20, 48, Дарабаев 58 – Жұмасқалиев 73
«Тобыл»: Петухов, Агайсин, Климавичус, Недашковский, Садовничий, Яворский, Жұмасөалиев, Шливич (Калу 55), Юрин, Зенькович (Кургулин 73), Матулявичюс  (Красич 65).
«Қайрат»: Ткачук, Соарес, Гурман, Рудосельский, Бакаев, Дарабаев, Қонысбаев (Ли 86), Көкеев (Маркович 77), Лунин, Сержиньо, Деспотович (Риера 72).   
Төрешілер: Болат Карлибаев, Алибек Аубакиров, Денис Лабашов.
26 шілде 2015 жыл, Қостанай, Орталық стадион.