Наурыз мерекесі кезінде Алматыда ММА-ден турнир өтеді. Онда 10 мың доллар сарапқа салынады
Еуразиялық жекпе-жек лигасы әлеуметтік желідегі ресми парақшаларында OCTAGON 43 турнирі өтетінін жариялады, деп хабарлайды Prosports.kz .
Ивент 22 наурызда Алматыда өтеді. Турнирде екі титулдық жекпе-жек жоспарланған.
Турнирдің басты жекпе-жегінде аса жеңіл салмақтағы гран-при финалы өтеді. Онда қазақстандық Айваз Айдинов (5-1) қырғызстандық Илимбек Акылбек уулумен (6-1) кездеседі. Жеңімпаз аса жеңіл салмақтың патшасы атанып, 10 мың АҚШ доллары көлеміндегі жүлдені иеленеді.
Ко-мейн ивентте қазақстандық Анастасия Дюжикова (6-2) түркиялық Татьяна Фирсавамен (6-2) жекпе-жекте аса жеңіл салмақтағы чемпиондық титулын қорғайды.
Еске салайық, 4 наурызда Ташкентте OCTAGON 42 турнирі өтті. Кештің басты жекпе-жегінде өзбекстандық Достон Бозоров (8-1) қазақстандық Жансерік Жақсығұловтан (4-3) басым түсіп, Еуразиялық промоушеннің жеңіл салмақтағы «уақытша» чемпиондық белбеуін жеңіп алған болатын.
Турнирдің бас серіктесі - UNDERDOG спорт агенттігі
Комментарии