Франс Пресс агенттігінің хабарлауынша, Нантер прокуратурасы ПСЖ футболшысы Ашраф Хакимиді зорлыққа қатысы бар деп айыптады, деп хабарлайды Prosports.kz.

Марокко құрамасының қорғаушысына тағылған айып 27 ақпанда белгілі болды. Париж полициясына бір қыз хабарласып, Хакими тарапынан зорлық-зомбылық көргенін мәлімдеген. Бейсенбі, 2 наурызда футболшы полицияға куәлік берді, содан кейін судья оған айып тағып, сот бақылауына алды.

Париждік клуб футболшыға қолдау білдірді, Хакимидің өзі оған тағылған айыптардың барлығын жоққа шығарады.

«Клуб айыптауларды жоққа шығарған және әділдікке сенетін ойыншыны қолдайды. ПСЖ – алаң ішінде де, одан тыс жерде де құрмет көрсететін ұйым», - делінген хабарламада.

Еске салайық, ПСЖ-ның келесі ойыны 5 наурызда өтеді.