«Тобыл» өз түлегі Бекзат Ермекбаевпен жаңа еңбек келісіміне қол қойды, деп хабарлайды Prosports.kz клубтың баспасөз қызметіне сілтеме жасап.

Өткен маусымда жартылай қорғаушы өзі капитан болған қостанайлық клубтың жастар құрамасына жарияланған болатын. Ойыншының алғашқы жаттықтырушысы Сергей Масленов.

Сонымен қатар, Бекзат негізгі құрамның жаттығуына ұдайы араласып, «Тобыл» сапында ел кубогында дебют жасады. Осы маусымаралық кезеңде Ермекбаев қостанайлық клубтың барлық бақылау матчтарында алаңға шықты. Жартылай қорғаушымен келісім-шарт бір жыл мерзімге жасалған.