Орта салмақта бокстан WBO белбеуінің иегері Жәнібек Әлімханұлы Геннадий Головкиннің IBF титулынан бас тартуы туралы сыбысқа қатысты пікір білдірді.
Головкиннің чемпиондық белбеуден бас тартқаны туралы 8 ақпанда белгілі болды. Бұл туралы бразилиялық журналист Уилсон Балдини мәлімдеген.
Әлімханұлы отандасы бас тартқан белбеуді және өзге де чемпиондық титулдарды иеленуге ниетті екенін жеткізді.
- Орта салмақта бір белбеу бос деуге болады. Бұл маған керек. Құдай қаласа, барлық титулдарды жинаймын, – деп жазды Әлімханұлы.
Айта кетейік, Геннадий Головкин әлі де IBO мен WBA Super белбеулерінің иегері.
Комментарии