Аргентина құрамасының капитаны Лионель Месси франциялық L'Équipe басылымының нұсқасы бойынша 2022 жылдың ең үздік спортшысы атанды, деп хабарлайды Prosports.kz.

Шабуылшы L'Équipe журналистері арасындағы жасырын дауыс беру қорытындысы бойынша басылымның жыл сайынғы «Чемпиондар чемпионы» жүлдесін жеңіп алды. Месси 808 ұпай жинады. Екінші орынды Франция құрамасының шабуылшысы Килиан Мбаппе (381 ұпай) иеленді. Үздік үштікті испаниялық теннисші Рафаэль Надаль (285) түйіндеді.