«Ертең қайда болатынымды білмеймін». Роман Муртазаев «Шахтер», еурокубок және 2022 жылғы әлем чемпионаты туралы
Қазақстандық шабуылшы Роман Муртазаев Prosports.kz тілшісіне берген эксклюзив сұхбатында «Шахтердағы» карьерасы, Масудовпен жұмыс және ұлттық құраманың Еуро-2024 іріктеу додасындағы мүмкіндіктері туралы пікірін айтты.
– Роман, ең алдымен маусымның аяқталуымен құттықтаймын. Сіз оны қалай бағалар едіңіз?
- Маусым өте қиын болды, бірақ ең бастысы аяқталды. Нәтиже, әрине, қанағаттандырмайды.
- Биылғы «Шахтер» сапында өзіңіз үшін тамаша кезең өткіздіңіз: 27 ойында он гол және екі нәтижелі пас.
- Гол соға бастағаныма өте қуаныштымын және мұнымен тоқтап қалғым келмейді - мен одан да көп гол соғуға, пас беріп, командама пайда келтіруге тырысамын.
– Вахид Масудовтың басшылығымен жұмыс сізге қалай және оның келуімен жаттығу процесінде не өзгерді?
- Вахид Юнусовичпен жұмыс істеу ыңғайлы болды. Ол «Шахтер» үшін қиын кезеңде келіп, команданың нәтижеге жетуіне бар күш-жігерін салды. Сондықтан осындай жақсы маманмен жұмыс істегеніме қуаныштымын.
- Маусым барысында «Шахтер» турнир кестінде жоғарғы орында тұрып, еурокубоктарға қатысу мүмкіндігі болды, бірақ оған қол жеткізе алмады. Мұны қалай түсіндіруге болады?
- Бізге тұрақтылық жетіспеді - біз жоғалтпауымыз керек жерде ұпай жоғалтып алдық. Маусым басында командаға қажетті ұпайларды жинап, бірінші орында болдық, содан кейін ақырындап төмен түсе бастадық. Бұл біздің басты себебіміз деп ойлаймын.
- Жаңалықтарда қарағандылық клубтың қаржылық мәселелері туралы ақпарат шықты. Бұл туралы не айта аласыз?
– Бұл мәселе 2014 жылдан бері жалғасып келеді, әлі жойылған жоқ. Оны ешкім шешкен жоқ, келесі жылы да солай болуы мүмкін. Мұның себебі неде және неге шешілмей жатқанын білмеймін, бірақ қазіргі уақытта бәрі керемет емес.
– Командамен келісімшартыңыз аяқталып жатқаны белгілі. «Шахтермен» келісімшартты ұзартасыз ба, әлде сізді басқа клубта көреміз бе?
– Келісімшартым бір жылға есептелген, алтыншы қараша күні аяқталды. Қазіргі уақытта клуб басшылығымен келісімшартты ұзарту мүмкіндігі туралы әлі сөйлескен жоқпын. Мен ертең немесе арғы күні қайда болатынымды әлі білмеймін. Алдымен «Шахтердің» басшылығымен сөйлесіп, қандай міндеттер тұрғанын түсінгім келеді, содан кейін не істеу керек екенін ойлаймын.
– Бұқаралық ақпарат құралдарында карьераңызды Ресей, Венгрия, Грекия клубтарында жалғастыруыңыз мүмкін деген ақпараттар көп болды. Осы аталған елдерден немесе басқа Еуропа мен Азиядан ұсыныстар болды ма?
- Мүмкін, қауесет көп болды, бірақ Венгрия мен Польшадан екі нақты ұсыныс болды, басқалары туралы тіпті білмеймін.
- Өзіңізді шетелде көрсетуге тырысуды жоспарлап отырсыз ба?
– Иә, солай болады деп үміттенемін. Жақсы ұсыныстар болса, неге бармасқа.
- «Астанаға» сізге таныс маман Григорий Бабаян оралды. Клуб онымен жетінші рет чемпион атанды. Ол қысқа мерзім ішінде «Ақтөбеден» қалып келе жатқан клубты чемпиондыққа жеткізгені таңғалдырды ма?
- Мен таңғалған жоқпын. Григорий Константинович – жақсы маман, ал «Астана» әрқашан өз алдына үлкен міндеттер қояды, сондықтан таң қалу қиын.
– Бабаян елордалық клубқа оралуды ұсынса, қалай қарайсыз?
– Шақырса, әрине жақсы болады.
- Әлем чемпионатын көрдіңіз бе және кімге жанкүйер болдыңыз? Катар турнирінде сізді кім таңғалдырды?
- Иә, чемпионатты көріп, Испанияға жанкүйер болдым, бірақ бәрінен де, әрине, мароккалықтардың ойыны таңғалдырды.
- Наурызда Қазақстан Еуро-2024 іріктеу кезеңін бастайды, онда Дания, Словения, Финляндия және Солтүстік Ирландиямен ойнаймыз. Біздің жігіттердің мұндай командаларға қарсы ойындардағы мүмкіндіктерін қалай бағалайсыз және негізгі турнирге шыға аламыз ба?
- Менің ойымша, мұндай командалармен ойнау өте қызық болады және бұл ойындар жанкүйерлер үшін де қызық болады. Турнирдің негізгі кезеңіне қатысуға келетін болсақ, қазір бұл туралы ойлағым келмейді. Бәрі ойдағыдай болуын тілеймін.
Комментарии