Бүгін Еуропа Лигасының бірінші іріктеу кезеңі аясында өтетін «Црвена Звезда» - «Қайрат» кездесуін «Қазақстан» арнасы көрсетеді, деп хабарлайды «PROСПОРТ» 
 
«Қазақстан» республикалық телерадиокорпорациясы футбол жанкүйерлеріне сый тарту етеді. Шетелдік әріптестермен ұзақ уақытқа созылған келіссөздердің нәтижесінде еурокубоктағы қазақстандық команданың ойыны тікелей эфирде көрсетіледі.
 
Сербия астанасы Белградтағы «Райко Митич» стадионында өтетін кездесуді «Қазақстан» Ұлттық телеарнасы Астана уақыты бойынша сағат 00:40-та тікелей эфирде көрсетеді.
Ал, 3 шілдеде «KAZsport» телеарнасы сағат 11:50 мен 19:00-де ойынның қайталауын көрсетеді.