Қазақстандық файтер Шавкат Рахмонов UFC-дегі болашағы туралы ойын айтты, деп жазады Prosports.kz.

«Менің деңгейім сәт сайын өсіп келеді. Маған танымал қарсыластар керек. UFC-де мансабын енді бастап жатқан жастармен жекпе-жек өткізбеймін. Үш мәрте мерзімінен бұрын жеңіске жеттім, енді төртінші жекпе-жекке шыққалы отырмын, маған одан да салмақты қарсылас қажет», - деді қазақстандық спортшы UFC-ге берген сұхбатында.

Айта кетейік, Рахмонов 26 маусым күні таңертең Лас-Вегаста өтетін UFC Fight Night турнирінде америкалық файтер Нил Мэгнимен кездеседі.