13-29 мамыр аралығында Финляндияда элиталық дивизионда хоккейден әлем чемпионаты өтеді, деп хабарлайды qazaqsporty.kz Қазақстан хоккей федерациясына сілтеме жасап.

Қазақстан құрамасы А тобында Дания, Канада, Германия, Швейцария, Словакия, Италия және Франция командаларымен ойнайды.

Құрамамыз оқу-жаттығу жиындарын бүгін, 17 сәуірде “Барыс-Аренада» бастады.

3 мамырда біздің құрама кеңейтілген құрамда (28 ойыншы) Ригаға аттанады, онда әлемдік біріншілікке дайындықты жалғастырады.

8 және 9 мамырда Латвиямен бақылау кездесулері өтеді. 10 мамырда Ұлттық команда Хельсинкиге барады.

Қазақстан құрамасы алғашқы ойынын 14 мамыр күні Дания құрамасына қарсы өткізеді. Турнирге 25 хоккейші қатысады.