Қазақстандық кәсіпқой боксшы Жәнібек Әлімханұлы ұлыбританиялық Дэнни Дигнумға қарсы жекпе-жекке дайындығын жалғастырып жатыр, деп хабарлайды Prosports.kz.

«Күш арттыру, шыдамдылық пен жылдамдықты шыңдайтын жаттығуларға кірістік. Бұйыртса, келесі апта спарринг. Рингке 100 пайыз дайын болып шығу керек. Әлемге Қазақ стилін көрсетуге өте жақсы мүмкіндік туып тұр. Бұйыртса, тарих жасаймыз!», - деп жазды боксшы Facebook-парақшасында.

Еске салайық, Әлімханұлы мен Дигнум жекпе-жегі 21 мамырда АҚШ-та өтеді. Боксшылар орта салмақта WBO тұжырымы бойынша уақытша әлем чемпионы титулын сарапқа салады.