Атақты америкалық бапкер Тедди Атлас орта салмақтағы IBF тұжырымы бойынша әлем чемпионы Геннадий Головкин Сауль Альвареске қарсы екі жекпе-жекте де жеңіске жетуге лайық болғанын айтты, деп хабарлайды Prosports.kz тілшісі fightnews.info сайтына сілтеме жасап.
«Менің ойымша, Головкин екі жекпе-жекте де «Канелоны» жеңді. Мен ESPN-де сол жекпе-жектерде комментатор болдым. Сондықтан менің ойымша, GGG екі жекпе-жекте де жеңді, ал Канело екі рет жеңілді.
Бірінші жекпе-жекте Головкин өзінің жұдырықтасу стилін көрсетті: ол жақын жұдырықтасты. Мен ол Альваресті соққының астына алды деп айта алмаймын, бірақ Головкин жекпе-жекті белсенді өткізіп, менің ойымша, айқын жеңіске жетті.
Екінші жекпе-жек жақынырақ өтті. Менің ойымша, Головкин аздап өзгерді және джебпен жеңді. Бірақ оған бұл жеңістер берілмеді, мен мұны түсінемін», - деді Тедди Атлас THE FIGHT with Teddy Atlas подкастында.Еске сала кетейік, Головкиннің Альвареске қарсы бірінші жекпе-жегі тең аяқталса, екінші жекпе-жекте Альварес төрешілер шешімімен жеңіске жеткен болатын. Биыл боксшылар үшінші рет рингке шығатыны айтылған еді.
Комментарии