Голландиялық Red Bull шабандозы Макс Ферстаппен команда көшбасшыларының нұсқасы бойынша Формула-1 маусымының үздік жүргізушілері рейтингінде бірінші орынға шықты, деп хабарлайды Prosports.kz.
Үздік он шабандоздың тізімін барлық он команданың жетекшілері таңдады. Ұпайлар спортшыларға жарыстардағы ұпайларды бөлудің қолданыстағы жүйесіне сәйкес берілді: тізімдегі бірінші орын үшін спортшы 25 ұпай, оныншы үшін - бір ұпай алды.
Формула 1 ресми сайты Ферстаппеннің 213 ұпай жинағанын хабарлады. Ол британдық «Мерседес» жүргізушісі Льюис Хэмилтоннан 21 ұпайға озып кетті. Рейтингте үшінші орынды McLaren өкілі Ландо Норрис (110 ұпай) иеленді.
Ферстаппен Формула-1 бойынша 2021 жылғы маусымның чемпионы атанды.
Комментарии